Watu watano wamepoteza maisha huku wengine 24 wakijeruhiwa baada ya basi la abiria kuligonga Treni lililokuwa linatoka Morogoro - Dodoma jana asubuhi katika eneo la Kibaoni, wilayani Kilosa mkoani morogoro.
Basi lililohusika katika ajali
hiyo ni aina ya Isuzu Coaster lenye namba za usajili T837 CTM linalomilikiwa na
Feisal A. Khuwel wa wilayani Kilosa.
Kamanda wa Polisi Mkoa wa
Morogoro amethibitisha kutokea kwa ajali hiyo na kueleza kuwa ajali hiyo
imetokea jana majira ya saa 1 asubuhi na imetokana na uzembe wa dereva wa basi.
Naye Mganga Mfawidhi wa Hospitali
ya Wiaya Kilosa, Dickson Masale amethibitisha kupokea miili ya watu watano
akiwemo dereva wa basi pamoja na majeruhi 24.