Diego Costa
Aina ya Uchezaji wa Straika Diego Costa umeibua mitazamo tofauti kwa makocha na baadhi ya waamuzi wa Soka.
Mmoja wa makocha ambaye anaulalamikia uchezaji wa Fowadi huyo ni Kocha wa Everton, Robeto Martinez ambaye amesema kuwa mchezaji huyo anacheza kwa vurugu sana anapokutana na wapinzani wake uwanjani.
Kocha wa Kireno Jose Mourinho ameingilia kati suala hilo la mchezaji wake Diego aliyejiunga na Chelsea kutoka Atletico Madrid. Amesema kuwa ni kweli mchezaji huyo anacheza kwa nguvu nyingi sana anapokabiliana na timu nyingine. Hata hivyo jambo hilo sio tatizo hata kidogo.
Kabla ya mechi ya juzi dhidi ya Manchester City, tayari Costa alikuwa na
mabao saba kwenye Ligi Kuu England.
“Waamuzi wanaona na Diego anachofanya ni kucheza. Si mwoga wa kuogopa vurugu
za wapinzani. Haruhusu wachezaji wengine wamtawale. Hayupo uwanjani kwa ajili
ya kukorofishana na mtu.”alisema Jose Mourinho.