Mheshimiwa Temba akifanya yake
Baada ya Tufani zito kumuelemea msanii wa Bongo Fleva Abdul ‘Diamond’ baada ya kuvaa sare za Jeshi la Wananchi Tanzania (JWTZ),
Sasa tufani hilo
limeonekana kumgeukia Msanii mwingine wa Muziki Amani Temba maarufu kama ‘Mheshimiwa
Temba’ kwa kosa hilohilo alilolifanya Diamond
Diamond alishikiliwa kwa muda katika Kituo cha Polisi cha Oysterbay jijini
Dar kuhojiwa juu ya kuvaa sare hizo wiki iliyopita, katika Tamasha la Fiesta,
Oktoba 18, mwaka huu.
Hata hivyo Jeshi la Polisi linaonekana kumpotezea msanii huyo na kumtafuta
Aman Temba wakidai nayeye anatuhumiwa kwa kosa hilohilo.
Mmoja kati ya watu wanaofanya kazi kwa karibu na Diamond, Said Fella,
amesimulia kilichotokea na hivi ndivyo anavyotiririka:
“Diamond na madansa wake waliambiwa waende Jumanne (wiki hii) kituoni pale
Oysterbay Polisi, maana awali walisema apeleke zile sare za jeshi alizovaa,
sasa tulivyofika pale, wakasema twende kesho (jana), lakini ni kama vile hakuna
kitu kikubwa tena.
“Ajabu wanasema wanamtaka Temba kwa kuwa wanasikia naye kuna siku alivaa,
sasa sijui nini kinachoendelea. Temba yeye anasema alivaa zamani na kama
wanataka kwenda kumkamata waende tu kwa kuwa hana hizo nguo za jeshi tena.”