Ile kauli ya "kufa kufaana" inayosikika sana kwenye masikio ya walimwengu, inaonekana kutimia hasa pale kocha wa timu ya Manchester United David Moyes kutimuliwa kwenye klabu hiyo na kutoa nafasi kwa mchezaji wa timu hiyo Ryan Giggs kushika usukani wake.
Giggs mchezaji nyota aliyeichezea timu hiyo ya manchester United kwa kipindi cha zaidi ya miaka 20, amepewa nafasi ya kufundisha klabu hiyo hadi msimu huu wa ligi kuu itakapomalizika. Nyota huyo aliyeingia kwa nguvu na usongo, amewaweka mastaa wenzake waliochezea timu hiyo katika bechi la ufundi ambao ni Nick Butt na Paul Scholes.
katika mchezo wa kwanza timu hiyo ikiwa chini ya Giggs ilipambana na Norwich City ambapo iliibuka na ushindi wa mabao 4-0. Mwanzo huwo unaonesha matarajio mazuri ya maendeleo ya Kocha huyo Mchezaji.