Akiongozwa na Wakili wa Serikali, George Mbalasa shahidi
huyo alieleza kuwa baadaye alifungua kesi yenye namba RB/8684/2013 na
IR/4473/2014 kisha alichukua maelezo mafupi yaliyoandikwa na RCO ambaye alikuwa
kama mlalamikaji kisha kuyaweka kwenye jalada la kesi hiyo.
Morogoro. Shahidi watatu katika kesi
inayomkabili Kiongozi wa Jumuiya na Taasisi za Kiislamu nchini, Sheikh Ponda
Issa Ponda ametoa ushahidi wake katika Mahakama ya Hakimu Mkazi Mkoa wa
Morogoro huku mawakili wa upande wa mashtaka na wa utetezi wakisigana kwenye
kifungu cha 150 hadi 152 cha sheria ya ushahidi.
Pande
hizo mbili zilivutana katika kifungu hicho baada ya Wakili wa Upande wa
Utetezi, Abubakar Salim kuiomba Mahakama kutoa uamuzi wa kile alichodai kuwa
wakili wa upande wa mashitaka ulimuuliza shahidi maswali ya muongozo kupitia
maelezo ambayo yalitolewa na shahidi aliyepita bila ya kuiomba ruksa Mahakama.
Mbele
ya Hakimu Mkazi Mfawidhi wa Mahakama hiyo, Mary Moyo shahidi huyo ambaye ni
askari polisi mwenye namba F4103 PC Ernest anayefanyakazi kwenye chumba cha
mashtaka katika kituo kikubwa cha Polisi Mkoa wa Morogoro aliieleza Mahakama
kuwa Agosti 10 alipokea maelezo kutoka kwa aliyekuwa Mkuu wa Upelelezi wa
Makosa ya Jinai Mkoa wa Morogoro, RCO Jafert Kibona yanayohusu kesi ya
uchochozi inayomkabili Sheikh Ponda.
Akiongozwa
na Wakili wa Serikali, George Mbalasa shahidi huyo alieleza kuwa baadaye
alifungua kesi yenye namba RB/8684/2013 na IR/4473/2014 kisha alichukua maelezo
mafupi yaliyoandikwa na RCO ambaye alikuwa kama mlalamikaji kisha kuyaweka
kwenye jalada la kesi hiyo.
Wakili
wa upande wa utetezi, Juma Nassoro alimuuliza maswali shahidi huyo ili kutaka
kujua kama alikuwapo eneo la tukio hata hivyo shahidi huyo alidai hakuwapo eneo
hilo.