Ronaldinho
Kiungo huyo mchezaji aliyewahi kung’ara na klabu za
Barcelona na AC Milan ameripotiwa kwamba ametengewa dili nono ili akacheze
Angola.
HABARI ndiyo hiyo. Supastaa Ronaldinho anawindwa na moja ya klabu ya Ligi
Kuu Angola na kwamba ametengewa mkataba wa mwaka mmoja kwa ajili ya kwenda
kucheza soka nchini humo.
Kiungo huyo mchezaji aliyewahi kung’ara na klabu za Barcelona na AC Milan
ameripotiwa kwamba ametengewa dili nono ili akacheze Angola.
Kwa sasa staa huyo Mbrazili aliyewahi kunyakua tuzo ya Mwanasoka Bora wa
Mwaka mara mbili anacheza katika klabu ya Queretaro ya Mexico na anaripotiwa
kupata dili kutoka kwenye klabu ya Kabuscorp ya Luanda, Angola.
Rais wa klabu hiyo, Benedicto Kangamba alikaririwa na gazeti la Express
akisema: “Tunafanya mazungumzo na wakala wa Ronaldinho kwa ajili ya kumsajili
mchezaji huyo kwa mkataba wa mwaka mmoja.
“Kwa kuwa na mchezaji huyo tunaweza kubeba ubingwa wa Ligi ya Mabingwa
Afrika na tutacheza Klabu Bingwa ya Dunia. Hii ndiyo ndoto yetu.”
Ronaldinho pia aling’ara katika kikosi cha Brazil kilichobeba ubingwa wa
dunia mwaka 2002.
MwanaSpoti