Mr. Swii akimshushia kipigo kijana Elisha adi kukatisha uhai wake.
Kijana mmoja aliyejukikana kwa
jina moja (Elisha) mkazi wa Kabindi Mkoani Geita amefariki dunia baada
ya kudaiwa kupigwa na raia wa China aliyefahamika kwa jina la “Mr. Swii”
kwa madai ya kwamba alilalamika ili wapandishiwe ongezeko la mshahara.
Taarifa zinadai waliopigwa wengine wawili wako hospitali kwa matibabu
zaidi.
Inasemekana baada ya Elisha kupigwa na Mchina huyo, alienda hospitali
ili akapatiwe matibabui kwa maana alikuwa na hali mbaya, bada ya tiba ya
awali hapo aliambiwa arudi kazini huku hali yake ikiwa mbaya na ndipo
alipodondoka na kuzimia. Wakafanya jitihada ya kumpeleka Hospitali ya
Mkoa kabla ya kufariki dunia.
Tukio hilo la kikatili limetokea katika
Mgodi wa Nyamahuna uliopo Katoro Mkoa wa Geita. Mgodi ambao ni maaufu
kwa uchimbaji wa dhahabu na shaba.
Mashuhuda wanasema kuwa “Mr. Swii”
pamoja na walinzi wa Mgodi huo ndio waliohusika katika kuwapiga
Wafanyakazi hao na kupelekea mfanyakazi mmoja kufariki Dunia kwa Kipigo
hicho.
