Kamanda wa polisi Mkoani Morogoro Leonard Paul
Watu watano wanaohisiwa kuwa ni Majambazi wametiwa mbaroni Jana maeneo ya Ruhembe kata ya Mikumi wilayani Kilosa mkoani Morogoro.
Kamanda wa Polisi mkoani Morogoro Leonard Paul amesema kuwa, watu hao wametiwa mbaroni usiku wa Septemba 17 katika maeneo hayo ya Ruhembe.
Paul ameeleza kuwa majambazi hao wamekamatwa baada ya mtu mmoja anayedhaniwa kuwa ni jambazi kutiwa nguvuni na kuwataja wenzake. Hivyo jeshi la polisi liliwafuatilia na kufanikiwa kuwatia mbaroni watuhumiwa wote. Mwanamke mmoja naye ni miongoni mwa majambazi hao watano.