BONGO DAS'LAAM (Sehemu ya 5)

 

SIMULIZI YA KUSISIMUA Sehemu ya Tano (5)

     Ilipoishia...
            “Hivi yule chokoraa uliyeingia naye yuko wapi?” Suzy alihoji kwa msisitizo huku akiwa haelewi chokoraa aliyekuwa anamzungumza ndiye yule kijana mzuri aliyetambulishwa na mama yake.

Endelea…

            “Suzy, mtu niliyeingia naye ni kaka yako Ayubu, na sio chokoraa”

            “Haaa!”

            “Kwani vipi?”

            “Naomba unisamehe kaka Ayubu” Suzy alimuomba msamaha Ayubu kwa yote aliyomfanyia wakati alipokuwa anafika. Hakuamini kama yule mtu mchafu angeweza kuoga na kupendeza kiasi kile. Ayubu alimwambia Suzy kuwa alikwisha kumsamehe. Suzy alitoka nje na kwenda kuendelea na usafi wa nguo zake

                   ****

Baada ya miezi miwili tangu Ayubu kufika pale nyumbani kwa Mama Suzy alikuwa amebadilika kwa kiasi kikubwa. Alikuwa amenawiri na kupendeza sana .Alikuwa amekwisha sahau matatizo yote ambayo alikumbana nayo wakati anaingia jijini. Alikuwa amekwisha kata tamaa ya kumtafuta rafiki yake Kondo kwasababu hadi muda ule hakuwa amemuona wala kusikia habari zake.

            Tabia yake nzuri ndiyo ilikuwa silaha kubwa katika maisha yake pale nyumbani kwa Mama Suzy. Mama Suzy alikuwa ni mama yake na mzee Manyama alikuwa ni baba yake. Hivyo Ayubu aliishi kama mtoto wa familia ile. Mzee Manyama alimtafutia shule kijana wake ili aendelee na masomo ya sekondari. Hivyo Suzy na Ayubu wakawa wanasoma kidato kimoja lakini shule tofauti.

            Waswahili wanasema kuwa “ukila muwa huwezi kukosa fundo.”  Suzy alikuwa ni tatizo katika maisha ya Ayubu. Mara kadhaa alikuwa akimtia majaribuni lakini Ayubu alikuwa akimuomba sana mungu amuepushie balaa lile. Alikuwa akiwaheshimu sana wazazi wake, hivyo alifahamu kuwa kama ange fanya mzaha angejiharibia mwenyewe.

            Siku moja Ayubu na Suzy walikuwa mezani wakijisomea. Wakati huwo wazazi wao walikuwa wamela chumbani. Suzy alitumia muda mwingi kumuangalia Ayubu kuliko kusoma. Ayubu aliligundua jambo lile na kujikuta akihoji.

            “Vipi dada Suzy, mbona husomi?”

            “Aah! Nasikia baridi” alijibu Suzy kwa sauti iliyotokea puani.

            “Nenda ukavae sweta” alisema Ayubu. Suzy aliinuka na kwenda chumbani. Alipotoka alikuwa tofauti na vile alivyo fikiria Ayubu. Suzy alikwenda kubadilisha nguo na kuvaa kimini kilichoshindwa kuyaficha mapaja yake. Juu alikuwa amevaa blauzi isiyokuwa na mikono ambayo nayo ilikuwa wazi maeneo ya kifuani na kupelekea nusu ya matiti yake kuonekana. Alipofika karibu na Ayubu alidondosha kalamu, aligeuka na kuiokota huku sehemu za makalio zikiwa kwa upande wa Ayubu. Kitendo kile kilipelekea blauzi aliyokuwa amevaa kupanda juu na kuonesha nguo yake ya ndani.

            Ayubu alipomuona Suzy alijikuta mwili wake ukimsisimka. Ayubu alimtazama kuanzia chini hadi juu na kumthaminisha ndani ya sekunde kadhaa. Kiukweli Suzy alikuwa ameumbwa vilivyo. Kumbe uzuri wa miguu yake haukuishia nje. Mapaja meupe yaliyo ungana na mlima wa makalio yake yalitosha kumpagawisha mwanaume yeyote aliyekuwa rijali.  Kiuno chake kilichokuwa kimepambwa kwa rastiki ya nguo yake nyeupe ya ndani kilikuwa ni cha pekee.

            Ayubu alimeza funda la mate kisha kwa haraka sana kabla Suzy hajainuka alirudisha macho kwenye kitabu alichokuwa anasoma. Moyoni mwake alijisemea kuwa endapo Suzy asingekuwa dada yake asingekubali kumuacha. Suzy alipofika mezani hakwenda kukaa kwenye kiti chake, alisimama pembeni ya Ayubu kwa mapozi. Loo! Ayubu alipoinua macho kumtazama Suzy akaona mabo yanazidi kumuwia magumu. Sehemu kubwa ya chuchu zake zilizo chongoka kama sindano zilikuwa wazi. Ayubu akakwepesha macho yake na kuangalia pembeni.

            “Sasa dada Suzy ulisema unasikia baridi, inakuwaje tena umevaa hivyo?” Ayubu alihoji kwa upole. Suzy alimtazama kisha akatingisha kichwa.

            “Inamaana wewe ni mtoto ndogo?” Suzy alihoji huku akibinua midomo.

            “Kwanini unasema hivyo dada Suzy?”

            “Ayubu….” Suzy aliita kwa sauti ya kutokea puani.

            “Nakusikiliza Suzy”

            “Kusoma hujui lakini hata picha pia huoni?”

            “Unamaanisha nini?” Ayubu alihoji swali ambalo lilionekana kumkera Suzy. Suzy alikunja uso na kutoa msonyo mrefu kisha akaenda kuketi kwenye kiti chake. Alipofika alishika kichwa kwa mikono yake miwili badala ya kusoma. Ingawa Ayubu alikwisha fahamu kitu alichokuwa akikitaka Suzy lakini akawa anajifanya haelewi. Alimtupia jicho la wizi mara kwa mara na kumkuta bado alikuwa amejiinamia.

            “Unaumwa Suzy” Ayubu alitupa swali la kizushi. Suzy aliinua sura na kumtazama Ayubu kwa hasira kisha akaachia tena msonyo na kuinuka kuelekea chumbani kwake. Ayubu alifahamu kuwa Susi alikuwa amekwenda kulala. Alitingisha kichwa kumsikitikia kisha akaendelea kusongoka. Hayo ndiyo yalikuwa maisha ya Suzy na Ayubu pale nyumbani kwa mama Suzy.

****

Mzee Manyama alikuwa amesafiri kikazi kwenda mkoani Singida. Mama  Suzy naye alipata taarifa za kufiwa na mjomba wake aliyekuwa akiishi Mtwara. Kutokana na hali hiyo ilibidi Suzy abaki na kaka yake Ayubu. Mama Suzy aliwasisitizia wanawe waishi vizuri pindi watakapo bakia wawili. Moyo wa Suzy ulijawa na furaha kubwa kwa kitendo cha wao kubaki wawili tu nyumbani. Aliamini kuwa ni lazima angekipata kile alichokitafuta kwa muda mrefu kutoka kwa Ayubu.

            Siku moja Ayubu alikuwa ameketi sebleni akitazama runinga mara baada ya kutoka shule. Suzy alifika akiwa amevalia nguo za kumtega kama ilivyokuwa kawaida yake. Alikwenda kuketi kwenye kochi la mbele ambalo ni lazima Ayubu angemwangalia. Sketi yake fupi ilipanda juu na kusababisha nguo yake nyeupe ya ndani kuonekana. Ayubu alimtupia jicho lakini alivyokutana na hali ile aliyarudisha macho yake kwenye runinga. Kisha akamuomba mungu kimoyomoyo amsaidie kuepuka matatizo yale.

Suzy alipoona kuwa mtu aliyekuwa akimtega hakuwa na muda wa kumuangalia ilimbidi alazimishe.

            “Ayubu….” Aliita Suzy kwa sauti ya mahaba.

            “Naam” Ayubu aliitika huku macho yakiwa kwenye runinga.

            “Yaani nakuita hutaki kuniangalia?”

            “Ah! Samahani dada Suzy” Ayubu alijifanya kuhamaki na kumuangalia Suzy. Alipomwangalia kifuani matiti yalikuwa wazi kwa kiasi kikubwa, chini ndio kila kitu kilikuwa wazi. Akaamua kumtazama machoni pasipo kupanda wala kushuka. Hata hivyo Suzy alionekana kukosa cha kuzungumza. Aliweka kidole mdomoni na kurembua macho. Loo! kumbe Suzy alikuwa amebarikiwa macho. Ayubu alijikuta akishindwa kumtazama na kupepesa macho kuangalia pembeni.

              “Vipi mbona huongei sasa?” alihoji Ayubu.

              “Unadhani nitaongea nini?”

              “Siwezi kujua”

       “Aaaah!” Suzy alihamaki kama vile alikuwa amechomwa na mwiba. Alijiinua pale alipokuwa ameketi na kukimbilia alipokuwa amekaa Ayubu. Alijifunua mgongoni huku akilia.

          “Hembu niangalie hapa kuna mdudu amening’ata” alisema Suzy akiwa ameketi pembeni mwa Ayubu.

            “Vipi dada Suzy una nini?” Ayubu alihamaki huku akikagua pale alipokuwa akioneshwa na Suzy. Mnh! Ayubu alishuhudia mzigo wa shanga kiunoni mwa Suzy. Alivuta pumzi na kuzitoa kwa nguvu. Alijifanya hakuziona zile shanga na kumuuliza mahali palipokuwa pakimuwasha.

            “Mbona sioni kitu” Ayubu alihoji huku macho yakiwa kwenye zile shanga.

         “Hapo…..shuka chini…tena….aah! hapo hapo” Suzy alikuwa akimuelekeza Ayubu ili aone zile shanga zake, kumbe Ayubu mwenyewe alikuwa amekwisha kuziona mapema sana.

            “Hakuna mdudu. Labda awe amekimbia” alisema Ayubu na kutaka kuondoa mkono wake.

            “Aaah!...No!...usitoe mkono. Naomba nikune pananiwasha” alisihi Suzy. Ayubu ilimbidi afanye kile alichoagizwa na Suzy. Wakati Ayubu akimkuna Suzy alianza kutoa sauti na miguno ya mahaba.

            “Aaah!.... yeah!.....Oooh!..hapo hapo….Sweety….Mmm….tamu” alilalamika Suzy kwa sauti ya chumbani huku akijilegeza na kujikuta akitaka kumlalalia Ayubu.

Endelea hapa>>

         Soma Toleo lililopita hapa>>              <<Soma Kuanzia Sehemu ya Kwanza hapa                                                                                                                       

Ndugu msomaji wetu, tupo tayari kukupa taarifa kila tunapotoa toleo jipya la simulizi hii ya kusisimua. kitu cha kufanya LIKE ukurasa wetu wa Facebook hapa >> Bofya hapa