Rais Jakaya Kikwete amewaaga Marais wenzake wa umoja wa Afrika na kusema kuwa siasa ya nchi za nje na misingi mikuu ya kuongoza mahusiano ya Tanzania na nchi za kigeni havitabadilika hata baada ya kuondoka madarakani Novemba, mwaka huu.
Rais Jakaya Kikwete
Kadhalika,
Rais Kikwete aliwahakikishia viongozi wa nchi wanachama wa AU kuwa anaondoka
madarakani, lakini Tanzania waliyoizoea na kuijua itabakia kama ilivyo na
kuwaomba viongozi hao kumpa ushirikiano mkubwa mrithi wake kama walivyompa
yeye.
Rais
Kikwete alitoa uhakikisho huo mara mbili, juzi wakati alipohutubia kuwaaga
wakuu wenzake wa nchi wanachama wa AU wakati wa Mkutano wa 25 wa Umoja huo
uliofunguliwa kwenye Ukumbi wa Mikutano wa Sandton Convention mjini
Johannesburg, Afrika Kusini. Wakati wa mkutano ujao wa kawaida wa AU mjini
Addis Ababa, Ethiopia, Januari, mwakani, Tanzania itakuwa na Rais mpya.
Alirudia
kauli na msimamo huo wakati alipokutana na kufanya mazungumzo na Rais wa
Jamhuri ya Somalia, Hassan Sheikh Mahmoud, na kiongozi wa Somalia alimjulisha
Rais Kikwete kuwa angependa kutembelea Tanzania baadaye mwaka huu.
Alisema
Rais Kikwete alisema misingi ya siasa za nchi za nje za Tanzania na misingi
mikuu ya kuongoza mahusiano yake na nchi za nje yaliwekwa tangu uhuru na hasa
tangu kutungwa wa Sera ya Mambo ya Nje ya Tanzania mwaka 1972 na tangu wakati
huo haijapata kubadilika hata kama wamebadilika viongozi mara nne sasa.
“Hatujapata
kubadilisha misingi hiyo inayoelekeza kuwa mahusiano yatajengwa kuanzia nchi za
jirani, zikifuatiwa na nchi za Afrika, nchi marafiki duniani na nchi
nyinginezo,” alisema.
Wakati
huo huo, Rais Kikwete ameelezea mambo makubwa saba ambayo Tanzania iliyasimamia
kwa kusaidiana na nchi nyingine ama kuyaongoza katika miaka 10 wakati wa utawa
wake.
Alitaja
mambo hayo kuwa akiwa Mwenyekiti wa AU, alisimamia uanzishwaji wa ushirikiano
wa kiuchumi kati ya Afrika na nchi za India, Uturuki na Umoja wa Ulaya
Jambo
jingine ni kuongoza Operesheni ya Kikosi cha Kulinda Amani cha Umoja wa Afrika
kilichomwondoa madarakani Muasi Kanali Mohamed Bakar katika Kisiwa cha Anjouan
na hivyo kulinda uhuru na umoja wa Visiwa vya Comoro.
Rais
Kikwete pia alisema akiwa Mwenyekiti wa Kamati ya Wakuu wa Nchi za AU kuhusu
Mabadiliko ya Tabia Nchi (2012-2014), Tanzania iliwezesha kubuniwa na
kuliwezesha Bara na msimamo kuhusu tabia nchi na mpango wa kuutekeleza –
Climate Change Concept Paper and Climate Change Action Plan.
Chanzo Nipashe